Türkiyədən TƏKLİF: “Şuşa türk dünyasının mədəniyyət mərkəzi olsun”
Türk Dünyası Mühəndislər və Memarlar Birliyi (TDMMB) Azərbaycanın Qarabağ bölgəsindəki Şuşa şəhərinin bütün türk dünyasının mədəniyyət paytaxtı elan olunmasını təklif edib.
Publika.az xəbər verir ki, təşəbbüsü TDMMB rəhbəri, Türkiyənin ətraf mühit və şəhərsalma nazirinin müavini Mücahit Demirtaş səsləndirib.
“Bu addım Azərbaycan şəhərinin beynəlxalq aləmdə nüfuzunu gücləndirəcək və eyni zamanda Qarabağdakı qələbənin möhkəmləndirilməsinə töhfə verəcək”, – deyə Demirtaş bildirib.
<!–
(adsgarden = window.adsgarden || []).push({});–>
Demirtaş TDMMB-nin Azərbaycanın Ermənistanın işğalından azad edilmiş bölgələrinin bərpası prosesinə mümkün töhfə verməyə hazır olduğunu vurğulayıb.
Onun sözlərinə görə, 2022-ci ildə türk dünyasının qədim şəhərlərinin yenidən qurulması üçün beynəlxalq fikir müsabiqəsinin təşkili və Azərbaycanın Qarabağ bölgəsinin inkişafı istiqamətində 100 illik təşəbbüslər planının hazırlanması planlaşdırılır.
