“Raytheon” ABŞ və müttəfiqləri üçün AIM-9X raketləri istehsal edəcək
Pentaqon ABŞ Hərbi Hava Qüvvələri və ölkənin müttəfiqlərinə “hava-hava” tipli AIM-9X raketləri istehsal etməsi üçün “Raytheon” şirkəti ilə müqavilə imzalayıb.
Müqavilənin ümumi dəyərinin 328 milyon dollar olduğu bildirilir. Ölkələr üçün 500-ə yaxın raketin istehsalı nəzərdə tutulub.
Raketlər Avstraliya, Bəhreyn, Belçika, Bolqarıstan, Kanada, Danimarka, Finlandiya, İndoneziya, İsrail, Yaponiya, Küveyt, Malayziya, Fas , Hollandiya, Norveç, Oman, Polşa, Qətər, Rumıniya, Səudiyyə Ərəbistanı, Sinqapur, Slovakiya, Koreya Respublikası, Tayvan, Türkiyə və Birləşmiş Ərəb Əmirliklərinə tədarük ediləcək.
AIM-9X 2008-ci ildə ilk dəfə sınaqdan keçirilmiş “hava-hava” tipli raketdir. Raketlər F-22, F-35 və F-16 təyyarələrində istifadə edilə bilər.
Sevinc Əliyeva
Ordu.az
