“Qara Bazar” Facebook-da
Facebook-da “Exchange Azerbaijan” qrupu yaradılıb.
“Marja”nın məlumatına görə, qrup valyutaların mübadiləsi üçün yaradılıb.
Qrupda məlumat verilir ki, bu qrup tez bir zamanda lazım olan valyutanı, banka ehtiyac duymadan, bank axtarmadan və ya bankda sıra gözləmədən rahat bir şəkildə satıcını taparaq mübadilə etmək üçün yaradılıb. Qısası Dollar almaq istəyən dollar satanı, manat almaq istəyən manat satanı bu qrupdan tapa bilər.
“Banklar haqqında” Azərbaycan Respublikasının Qanununun tələblərinə uyğun olaraq valyuta mübadiləsi əməliyyatları yalnız banklar və onların filial və şöbələri tərəfindən həyata keçirilə bilər.
Rafiq Şahverdiyev bildirir ki, bu qrup valyuta tənzimlənməsi sahəsində mövcud qanunvericiliyin tələblərini pozaraq, gəlir əldə etməklə qanunsuz sahibkarlıq fəaliyyəti ilə məşğul olmaq üçün insanları təşviq edir.
“Mən heç bir kəsə, xüsusən dost siyahımdan olan 100-ə yaxın şəxsə bu qanunsuz fəaliyyətlə məşğul olmamağı tövsiyyə edirəm. Bu növ fəaliyyətlə məşğul olan onlarla şəxs yaxın zamanlarda cinayət Məcəlləsinin 192.2.2-ci (külli miqdarda gəlir əldə etməklə qanunsuz sahibkarlıq) maddəsi ilə təqsirləndirilibdir”.
