Millinin qapıçısı 25 yaşında vəfat etdi
Buzüstü xokkey üzrə Latviya millisinin qapıçısı Matiss Kivleniyeks dünyasını dəyişib.
“Report”un məlumatına görə, bu barədə yerli federasiyasının rəsmi saytı xəbər yayıb.
Son olaraq ABŞ-ın “Kolambus Blyu Cekets” komandasında çıxış edən 25 yaşlı qolkiperin ölüm səbəbi açıqlanmasa da, onun bədbəxt hadisə nəticəsində vəfat etdiyi ehtimal olunur. “Delfi.lv” saytı yazıb ki, Kivleniyeks komanda yoldaşları ilə birlikdə ABŞ-ın Müstəqillik Gününü qeyd edərkən atəşfəşanlıq olub. Bu zaman fişəngdən qopan parça qapıçının ürəyinə dəyib.
Qeyd edək ki, Kivleniyeks bu mövsüm ölkəsində keçirilən dünya çempionatının iştirakçısı olub. O, dörd oyunda meydana çıxıb.
