Kredit reytinqlərində son 18 ildə ən pis il
Bu il üç böyük kredit reytinqi agentliyinin – Fitch Ratings, Moody’s İnvestor Service və S&P Global Ratings-in inkişaf edən ölkələr üzrə reytinq və proqnoz endirməsi artırmasından 3,1 dəfə çox olub. Bu da Asiya böhranının yaşandığı 1998-ci ildən bu yana görülən ən pis mənzərədir.ə
“Marja” xəbər verir ki, Fitch, Moody’s və S&P 2016-cı ildə inkişaf edən ölkələrdə 1971 özəl və dövlət istiqrazlarının reytinqini və ya proqnozunu aşağı salıb. Reytinqin və ya proqnozun artırılmasının sayı isə yalnız 628 olub.
Bloomberg, Moody’s-ın reytinq verdiyi 134 dövlət istiqrazının 26-sının mənfi proqnoza malik olduğuna diqqət çəkir. Bu da 2012-ci ildən bu yana ən yüksək nisbətdir və böyük qismi inkişaf edən ölkələrə aiddir.
Kredit reytinqləri gecikməli göstərici kimi oxunduğundan bütün bu mənzərə ən pisinin geridə qaldığı şəklində şərh oluna bilər. Bloomberg-də yer alan analitik fikirlərə görə isə, Moody’s-ın reytinqini müəyyənləşdirdiyi istiqrazların təxminən üçdə birinə yaxınının mənfi proqnozunda olması daha çox reytinq endiriminin masada olduğuna işarə edir. Əgər reytinqin proqnozu “Neqativ”dirsə reytinqin aşağı salına biləcəyi ehtimalı yüksəkdir.
REYTİNQ ENDİRİMLƏRİ 2017-DƏ AZALA BİLƏR
Fitch Ratings rekord sayda inkişaf edən ölkə reytinq endirimlərinin 2017-ci ildə azalacağını amma tamamilə dayanmayacağını təxmin edir.
