Ermənistanın general rütbəsi almış polis rəisi gəlirlərini açıqlayıb
İyulun 5-də Ermənistan prezidentinin sərəncamı ilə Ermənistanın polis rəisi Vahe Qazaryana polis general-mayoru rütbəsi verilib.
2020-ci ildə təqdim olunan bəyannaməyə əsasən, Qazaryan iki daşınmaz əmlaka – torpaq sahəsi üzərində tikilmiş fərdi yaşayış evinə və sənaye əhəmiyyətli tikiliyə sahibdir.
Birinci halda o, tək sahibkardır, ikinci halda pay sahibidir. Daşınmaz əmlaklar Tavuş vilayətində – Qetahovit və İcevanda yerləşir.
Ermənistanın polis rəisinin daşınar əmlakı, borcları yoxdur. Onun kreditləri və guya bahalı əmlakı da yoxdur.
Nağd pul vəsaitləri ilin əvvəlində 11 milyon dram və 8,500 dollar, ilin sonunda isə 10 milyon dram, 8,500 dollar təşkil edib.
Ermənistanın polis rəisinin gəliri təkcə maaşdan 16,324,201 dram olub.
Alpər Mövludoğlu
Ordu.az
