Azərbaycanda 60-cı ilin “Mercedes”i 850 min dollara satılır
Azərbaycanda avtomobil alqı-satqısı üzrə bir neçə elan saytı fəaliyyət göstərir. Bu saytlarda ucuz maşınlarla yanaşı fantastik qiymətli avtomobillərə də rast gəlmək mümkündür.
“İndex.az” ölkədəki elan saytlarında üç ən bahalı avtomobilin qiymətini təqdim edir:
Ölkədəki alqı-satqı saytlarında ən bahalı avtomobillərin siyahısı üzrə ilk yerdə 1961-ci ildə buraxılmış “Mercedes 170 V” avtomobili gəlir. Mühərrik həcmi 1,7 L, yürüşü 82 min kilometr, mexaniki sürət qutulu bu retro avtomobilin qiyməti 850 min dollardır. Qeyd edək ki, bu avtomobildən Azərbaycanda yalnız bir ədəd var.
İkinci yerdə 2018-ci ilin “Bentley Mulsanne” avtomobilidir. Mühərrik həcmi 6,5 L, yürüşü 500 kilometr olan avtomat sürət qutulu bu avtomobilin qiyməti 350 min avrodur.
Üçüncü yerdə isə “Bentley Continental” avtomobili gəlir. Avtomobil 2018-ci ildə istehsal edilib və sürülməyib. Mühərrik həcmi 6,0 L olan avtomat sürət qutulu bu avtomobil 299 min avroya satılır.
Bizi Telegram-da izləyin: t.me/indexaz
